Ditën e nesërme Komisioni i Rithemelimit të PD-së, drejtuar nga Sali Berisha, do të zhvillojë Kuvendin Kombëtar për zgjedhjen e strukturave të reja, kryesisht Këshilli Kombëtar.

U bë me dije se këngëtarja Bleona Qereti është një ndër emrat e kandidatëve për anëtarë të Këshillit Kombëtar të Partisë Demokratike në Kuvendin e Sali Berishës.

Bleona ka reaguar pas thashethemeve që u përhapën sot. Ajo ka postuar një foto të saj në Instagram dhe ka theksuar se pavarësisht dashurisë për Shqipërinë, ajo është qytetare amerikane prandaj nëse do të punonte për një qeveri, do të ishte vetëm për qeverinë e Shteteve të Bashkuara të Amerikës.

Bleona Qereti kandidate për një post në PD - Albeu.com

“Edhe pse kam lindur në Shqipëri, unë jam qytetare amerikane! E dua Shqipërinë por jam besnike ndaj Shteteve të Bashkuara të Amerikës – vendit tim! Nëse do të punoja ndonjëherë për një qeveri, do të punoja vetëm për qeverinë e Shteteve të Bashkuara të Amerikës!”, shkruan Bleona.

Kutojmë që Bleona Qereti është me origjinë nga Shkodra por ka vite që jeton dhe vepron në Shtete e Bashkuara të Amerikës.

Ajo do mbahet mend gjatë si një prej femrave më të guximshme të ekranit shqiptar ndër vite.

By Juda

Leave a Reply

Your email address will not be published.

error: Alert: Content is protected !!