Sonte është finalja e shumëpritur e Big Brother VIP Albania në Top Channel. Pas 4 muajsh aventurë dhe emocione pafund, 4 banorë do të konkurrojnë për trofeun 115 mijë euro.

Donald Veshaj, Beniada Nishani, Ilir Shaqiri dhe Einxhel Shkira janë 4 të preferuarit e shqiptarëve, të cilët i kanë votuar si banorët dhe personazhet VIP më të pëlqyer në Shqipëri.

Një surprizë e madhe po përgatitet sonte për secilin banor, por sidomos për Donaldin dhe Ilirin. Këta janë dy favoritët absolutë, sepse kanë vota pafund.

Donaldi sonte do të shkojë në Air Turbina, pra në teatër, aty ku do të pritet nga miku i tij i mirë dhe promotori i parë në karrierë, Agron Llakaj.

Stafi u kishte kërkuar banorëve t’i shkruanin një letër dikujt jashtë shtëpie dhe Donaldi zgjodhi aktorin e njohur të humorit të cilin e do shumë.

Ata do të interpretojnë bashkë një numër (ose disa), duke u dhënë emocione të pafundme teleshikuesve shqiptarë në finalen e shumëpritur të 18 shkurtit.

Të martën që lamë pas, shqiptarët u emocionuan tejmase nga lotët e babait të Ilir Shaqirit, i cili ka qenë një balerin i shkëlqyer dekada më parë.

“Dua ta puth, ta përqafoj, ta kem afër”, u shpreh ai, i pyetur nga moderatorja Dojna Mema për ndjenjat dhe emocionet që ka pas 4 muajsh pa e parë të birin.

“Iliri ka patur mundësinë shumë vite më parë të merrte pasaportën italiane dhe nuk e mori. Ai nuk pranoi, sepse asokohe nuk lejohej të kishe dy pasaporta”.

“Ai donte të kishte pasaportën shqiptare. Më pas, kur ndryshoi ligji, ai pranoi të merrte pasaportën italiane, duke iu lejuar të mbante edhe atë shqiptare. Ai nuk e ka harruar kurrsesi Shqipërinë. Ndihet 100% shqiptar”, tha i ati.

Surpriza që produksioni i Big Brother i ka përgatitur sonte për finale Ilirit është një ëndërr dhe emocion special. Ai do të merret nga stafi dhe do të shkojë në Teatrin e Operas dhe Baletit.

Atje Iliri do të kërcejë bashkë me babain e tij. Pra, dy legjenda do të jenë në skenë për të fituar edhe më shumë zemrat e shqiptarëve. Do të jetë vërtet një gjë fantastike. Mezi po e presim!

E papritur! Iliri i përlotur kërkon të largohet nga Big Brother me  Sabianin: Gjeta një vëlla - Top Channel

By Juda

Leave a Reply

Your email address will not be published.

error: Alert: Content is protected !!