Romeo Veshaj dhe Jonida Maliqi, janë një prej çifteve më simpatikë të shoëbizit.

Ata i shohim gjithnjë e më të dashuruar me njëri tjetrin dhe këtë e vërtetojnë me anë të postimeve të shpeshta ku nuk mungojnë dedikimet romantike.

Romeo dhe Jonida janë jo vetëm të dashuruar, por gjithashtu e mbështesin njëri tjetrin në projektet profesionale.

Jonida duket se do të nisë së fundmi diçka të re në ekranin e “Vizion Plus”.

Ajo nuk ka dhënë asnjë detaj, përveç logos së ekranit në fjalë, ndërsa këtë video e ka postuar në instagramin e tij edhe Romeo i cili krahas saj shkruan: “E ke yllin në ballë zemër”, duke i ofruar kështu gjithë mbështetjen e tij partneres.

Se çfarë do të sjellë Jonida ngelet për t’u parë në këtë sezon të ri televiziv.

Kujtojmë se ajo e ka provuar edhe më herët eksperiencën e moderatores teksa prezantonte “Dancing with the stars” me Armina Mevlanin.