Rreth një javë më parë, këngëtarja Jonida Maliqi ndàu në llogarinë e saj në Instagram një foto ku shfàqej e veshur me xhaketën e zezë të “Balmain”.

Këngëtarja shkëlqente me këtë look, teksa xhaketën kishte zgjedhur ta kombinonte me një palë pantallona të gjera të zeza.

Me të njëjtën xhaketë, mbrëmjen e kaluar u shfaq Dafina Zeqiri gjatë emisionit me fëmijë “Në Kùrthin e Piter Pan”.

Kësaj here, Dafina kishte zgjedhur që xhaketën të mos e vishte me pantallona të gjata dhe look-u u pëlqye po aq shumë.

Sigurisht, publikut nuk i shpëtoi fakti që vajzat bënë “xing” me njëra-tjetrën dhe nëse u bëtë kuriozë, ju tregojmë çmimin e kësaj xhakete moderne me motive gri.

Faqja zyrtare e “Balmain” në Instagram tregon se shifra e xhaketës shkon 2990€.

Xhaketa thuajse të njëjta kapin shifra edhe më të larta, mirëpo ky çmim duket se ia vlen për sa kohë vajzat duken yll dhe na kënaqin sytë në ekran!