Listës së hiteve të këtij sezoni veror do t’ju shtohet edhe një tjetër super këngë ritmike!
Venera Lumani dhe Lindi kanë bërë me dije se e kanë gati këngën e tyre më të re.
Në një video të fundit, çifti shfaqet në shtëpi duke u rehatuar në kolltukun e tyre, ndërsa në sfond dëgjohet kënga e re që paska një super ritëm.
“Këngë e re, këtë fundjavë”, ka shkruar Venera krah videos ku shfaqet shumë e qeshur së bashku me Lindin.
Kënga pritet të jetë një dedikim dashurie dhe me siguri fansat e dyshes së njohur po e presin me padurim publikimin e saj.
Pasi karantina mori fund, ata i janë rikthyer edhe muzikës live në kryeqytet dhe në qytetet bregdetare.