Biznesmeni Francesco Beccheti do të hapë një television të ri në formatin web, pesë vjet pas mbylljes së Agon Channel.

Pak muaj pasi Gjykata Ndërkombëtare e Arbitrazhit në Uashington vendosi në favor të Becchetti-t për të hequr pezullimin e ekzekutimit të gjòbës 110 milionë euro kundër Shqipërisë, mediat italiane japin lajmin e ri.

Ato shkruajnë se pas telasheve me qeverinë shqiptare, e cila mbylli televizionin me akùzën e evazionit fiskal dhe pastrimit të parave, Francesco Becchetti kthehet me një projekt të ri televiziv që quhet ZWEBTV.

Pjesë e këtij projekti do të bëhen emra të njohur të televizionit si Camihawke, Casa Surace, Francesca Ferragni, Andrea Pinna, Piero Armenti dhe shumë të tjerë.

“Ne duam të shohim përpara, të heqim mykun dhe të mendojmë për një mënyrë të re të përmbajtjes dixhitale”, shprehet Becchetti për projektin e ri.