“Gjurmë Shqiptare” emisioni nga gazetari Marin Mema, ka realizuar 6 ditë më parë një dokumentar të titulluar “Màshtrimi serb me objektet e kultit të kríshterë në Kosovë”.

Në dokumentar u tregua sesi serbët kishin përvetësuar kishat iliro-arbërore dhe kjo pasqyrohet qartë me disa fakte historike. Kjo arsye ka bërë që shumë serbë të ngríhen kundër Memës dhe dokumentarit.

Personalitete të ndryshme, si politikanë, historianë, gazetarë dhe opinionistë kanë reaguar.

Lidhur me këtë ka folur edhe shefi i zyrës për Kosovën në qeverinë e Serbisë, Marko Gjuriq.

“Kuptohet që Serbia kurrë dhe me asnjë kusht nuk do të heqë dorë nga shenjtorët e saj në Kosovë dhe Metohi, dhe ne besojmë se edhe populli shqiptar, i cili është krenar për historinë dhe traditën e tyre të pasur, nuk ka nevojë të shohë për historinë dhe traditën e njerëzve të tjerë. Disa shqiptarë janë duke e sùlmùar historinë dhe besimin e popullit serb, duke e quajtur propagandë të radhës të shqiptarëve kùndër serbëve.”- thotë Gjuriq.

Ministria serbe e Kulturës ka deklaruar se shqiptarët nuk po ndalen së pròvokuari shtetin serb, duke shtuar se defòrmimin e historisë serbe nuk do të mund ta arrijnë asnjëherë.

Reagime ka pasur edhe nga opinionistë të ndryshëm ku shihet edhe kércénimi ndaj gazetarit Mema.

Ata kanë akùzuar se qëllimi i këtij dokumentari është denígrimi i kulturës dhe historisë serbe.

Shteti shqiptar deri tani nuk ka pasur asnjë reagim për këtë çështje.