Klea Huta dhe Elgit Doda janë bërë prindër për herë të parë. Sot ka ardhur në jetë djali i tyre i vogël, të cilin çifti e ka pagëzuar me emrin e veçantë Krid.

Klea ka dhënë lajmin e bukur ndërsa ka publikuar edhe foton e ëmbël të dy duarve që mbajnë dorën e vogël të Krid, me byzylykun prej floriri, që është dhurata e parë e prindërve për bebushin!

Në postimin e saj, moderatorja tregon se ka bërë lindje natyrale, ndërsa e përshkruan atë si eksperiencën më të bukur të jetës së saj.

Ajo shprehet mirënjohëse edhe për Elgitin, të cilit i hap zemrën publikisht.

“Paç jeten te gjate e te lumtur o Bir. Sot e tutje ne jetojme per ty 🙏🏻 zot faleminderit Por mbi te gjitha faleminderit ty @elgitdoda dashuria e jetes time, shoku im i jetes, e ardhmja ime, familja ime. Te dua sa sta them me dot me fjale. Faleminderit qe ekziston”, shkruan Klea.

Në postimin e saj moderatorja lë të kuptohet se fëmija është dashuri me shikim të parë, kur shkruan: “Të dashurojmë Krid!”