Rëra dhe uji i detit në këtë periudhë pandemie janë të sigurt, sipas mjekut Inféksionist, Pëllumb Pipero.

Duke folur për emisionin “Open” ai u shpreh se ato lùftojnë inféksionet, qoftë edhe koronavirusin.

“Uji i detit pastron lëkurën dhe rrugët e frymëmarrjes, forcon mekanizmat mbrojtës, u bën masazh muskujve dhe u kthen fortësinë, gjithashtu ndikon pozitivisht për hundën dhe fytin”, shpjegon Pipero, raporton Top Channel.

Sipas këshillave të ekspertëve, gjatë ditëve që jeni në plazh është mirë që çdo ditë të bëni shëtitje përgjatë bregut, për të paktën 20 minuta dhe mundësisht në orët e para të mëngjesit ose mbasdite vonë, pasi në ajrin që thithni, gjenden grimca të vogla të ujit të detit, të cilat pastrojnë rrugët e frymëmarrjes.

Por, Pipero tregon se nuk duhen lejuar në asnjë mënyrë shkuma party, apo grumbullime të rinjsh në ambiente siç janë lokalet, ndërsa shton se duhen zbatuar protokollet:

“Lokalet e natës nuk do ti këshilloja të hapeshin, në asnjë mënyrë. Edhe këto shkuma party-t, nuk do i këshilloja”.

Pipero foli edhe për çerdhet dhe kopshtet, që nuk duhet pasur asnjë frìkë, sepse është e vërtetuar shkencërisht që fëmijët nga 0 deri në 12 vjeç nuk e transmeton vìrusin.

“Kurse çerdhet dhe kopshtet do i siguroja unë prindërit se është e dokumentuar që fëmijët deri në 12 vjeç nuk e shpërndajnë koronavìrusin. Ata vetëm mund ta marrin nga prindërit, por nuk e çojnë te prindërit. Mjafton të respektojmë ato protokolle zyrtare. Edukatoret të kenë maska dhe të lajnë duart. Dorezat nuk i këshilloj fare unë. Edukatoret ndoshta duhet të kenë protokolle të veçanta, t’ju bëhet tampon ose t’ju matet temperatura dhe gjithashtu të ruajnë masat higjenike”, tha Pipero.