Pesë vite më parë, hiti i verës u kthye bashkëpunimi i parë i Mozzik dhe Kidës, i titulluar “Premtimet”.

Kënga bëri namin në të gjithë vendin dhe deri më sot, bashkëpunimi numëron 48 milionë klikime në Youtube.

“Premtimet” u kthye ndër të preferuarat e publikut dhe sigurisht që gjatë gjithë kësaj kohe, fansat kanë pritur për një bashkëpunim të dytë.

Këtë lajm të bukur e konfirmoi vetë Mozzik mbrëmjen e kaluar, gjatë një interviste për emisionin “NIN”. Së shpejti, ai dhe Kida do të vijnë me një duet të ri, titulli i të cilit ende nuk është zbuluar.

Reperi tregoi se ata kanë përgatitur rreth pesë demo dhe janë thuajse dakord se cilën prej tyre do të lançojnë.

Mbrëmjen e kaluar, Mozzik i dha fund njëherë e mirë thashethemeve për marrëdhënien e tij me Loredanën, duke treguar se s’ka ndërmend të kthehet më kurrë me të.