Të gjunjézuar nga pandemia globale, baret dhe restorantet po pësojnë krìzë të thellë, Enri Jahaj: JA vështirësitë më të mëdha që po hasim.

Bizneset më të prékur nga pandemia globale janë padyshim baret dhe restorantet që ishin të fundit që u hapën.

Që nga data 18 maj, ato kanë mirëpritur klientët e tyre sërish, por në kushte shumë të vështira.

Baret dhe restorantet janë detyruar që të jenë të hapur vetëm në ambjente jashtë dhe distanca mes klientëve nga tavolina në tavolinë duhet të jetë në 2 metra.

Pra, asgjë nuk është më njësoj, ndërkohë që krìza vazhdon dhe thellohet. Po si ka qenë situata tek baret dhe restorantet këto 4 ditë që janë hapur?

Në një prononcim për “Iconstyle”, kryetari i Shoqatës së Lokaleve dhe Restoranteve Enri Jahaj tregoi se situata nuk duket aspak e mirë dhë vështirësia më e madhe qëndron tek rënia e të ardhurave.

Jahaj tregoi se baret dhe restorantet kanë patur rënie të klientelës nga 40% deri në 60% , çka kjo përkthheet në ulje të madhe të të ardhurave. i theksoi se po përballen me klientelën e pakët dhe kjo shkàkton një pasiguri totale.

“Dy ditët e para të gjithë njerëzit ishin entuziastë dhe kishte klientelë, por më pas erdhi si flluskë rënia”, u shpreh ai duke theksuar se i kupton njerëzit për shkàk të krìzës ekonomike që kalojmë.

Ndërsa përsa i përket se çfarë po ndodh me baret e restorantet që shërbejnë në ambjente brenda dhe në këtë periudhë nuk janë hapur, ai tha se “falìmentim deri më tani nuk mund të themi, por ata po përjetojnë periudhën më të vështirë. Po presim urdhrin e dytë, që mendohet se mund të hapen në fund të muajit maj”.

Ndërkohë Enri Jahaj nënvizoi se si zgjidhje sheh momentalisht vetëm një zgjatje të orarit për shkàk se situata është shumë e paqëndrueshme dhe nuk ka fuqi blerje.

Baret dhe restorantet që me padurim kishin pritur rihapjen ditën e hënë, momentalisht po përballen me klientelën e pakët, uljen e kapacitetit të tavolinave për shkàk të respektimit të protokollit prej 2 metrash distancë, kostot shtesë të masave mbrojtëse, krìzën financiare dhe reduktimin e stafit.

Më herët këto biznese kanë kërkuar edhe disa lehtësime financiare, konkretisht në lidhje me pagesa të qirasë, mbështetje për rihapjen dhe përjashtimi i pagesës së shfrytézimit të tarifës së zénies së hapësirës publike deri në rimëkëmbjen totale të aktiviteteve.

Gjithashtu ata kërkuan që të përjàshtohen edhe nga taksa e reklamës, taksa e përkohshme për infrastrukturën arsimore, taksa e tabelës informuese si dhe tarifa e pastrimit.

Theksin e vendosën ndër të tjera edhe tek këstet e parapagimit të tatim-fitimit edhe për tatimpaguesit me qarkullim që ushtrojnë aktivitet në fushën e bareve dhe restoranteve, ku për vitin 2020 të mos paguhen.