Prej gati dy vitesh Getoar Selimi dhe Majk nuk flasin me ish anëtarin e Babastars, Agon Amiga.

Ai u largua dhe grupi dhe asokohe nxorri këngë “Oh bir” që mendohet se ishte diss për ta. Gjithashtu edhe postimet në InstaStory nuk munguan.

Asnjë nga Babastars nuk ka reaguar dhe nuk ka folur për krizën mes tyre, por mesa duket Agon Amiga e ka thyer akullin.

Në një intervistë me Evi Reçin, Agon Amiga ka folur herë të parë për arsyet e largimit nga grupi Babastars.

Ai është shprehur se tashmë nuk ka më asnjë komunikim me anëtarët e grupit dhe se ajo që ka mbetur nga Babastars është shumë larg suksesit të dikurshëm.

“Të them të drejtën nuk kam folur. E kam ndërprerë aty ku e kam ndërprerë. Gjithçka është e kohës. ‘Babastars’ ka qenë një ndër label-at më të mirë të kohës”, është shprehur reperi i njohur.

Agoni dhe Geti njihen për grupin e tyre shumë të suksesshëm, Tingulli 3nt, ndërsa janë edhe ndër themeluesit e labelit Babastars.

Ky largim i reperit asokohe erdhi pas atij të Skivit, të cilët vendosën të vazhdojnë karrierën e tyre solo.

Nga grupi i famshëm kanë ngelur vetëm Majk, Onat dhe Getoar Selimi, si veteranët e Babastars. Agon Amiga momentalisht jeton në Gjermani dhe shumicën e projekteve muzikore po i punon nga atje.