Ballina Aktualitet Nuk braktiset publiku në kohë të vështirë, do ishte tradhti

Nuk braktiset publiku në kohë të vështirë, do ishte tradhti

Nga Julian Deda

Si fillim uroj që kjo situatë të mbarojë sa më shpejt, uroj që t’i rikthehemi ditës tonë normale dhe sidomos punës aq shumë të munguar. Shëndeti ka rëndësi parësore, por puna është po aq e rëndësishme.

Nëse e gjithë bota është në vështirësi nga kjo pandemi, imagjino Shqipëria. Ne sot po jetojmë ditë frike dhe pasigurie për shëndetin dhe për ekonominë familjare. Këtë lloj situate një njeri normal gjatë jetës së tij mund ta kalojë një herë ose edhe kurrë. Kjo lotari na ra ne, jemi të detyruar ta përjetojmë dhe mundësisht ta mposhtim, se çfarë nuk i ra njeriut dhe nuk e hoqi.

Të gjithëve na dhemb kjo situatë, dikujt më shumë, dikujt më pak. Artistët si qenie të ndjeshme besoj e ndjejnë shumë, po shumë fare. Artistët e kanë gjithë artin dhe jetën e tyre të lidhur me ju, me spektatorin, me duartrokitjet, me të qeshurat, me emocionet, me të qarat, me përqafimet, me komplimentet dhe me vërejtjet tuaja. Një artist nuk është kurrë i vetmuar, ndërsa sot është i detyruar të jetë i tillë, të komunikojë virtualisht me ju. Dreqi e mori, po a mund të përçosh emocion me Skype? Shumë e vështirë dhe sfilitëse.

Mjekët dhe policët janë shumë të rëndësishëm në këtë kohë pandemie dhe i falenderoj me shpirt për të gjithë punën dhe sakrificën në kushte mizerabël. Artistët ndoshta nuk kanë rëndësinë e tyre në këtë kohë, por janë po aq të dobishëm për shëndetin e publikut, sidomos atë mendor dhe si rrjedhojë edhe atë fizik.

Artistët janë të domosdoshëm, janë ushqimi i shpirtit dhe sidomos aktorët e humorit. Humoristët, siç i quajmë ne, ose komedianët, siç i quan bota, janë figurat më të dashura të familjeve tona. Secili aktor humori gjatë karrierës së tij ka punuar shumë për të gjetur mënyrën për të hyrë në zemrën dhe mendjen e publikut të tij dhe ta bëjë atë të ndjehet rehat, i gëzuar, i çlodhur, i qeshur, për ta shkëputur atë sadopak minuta nga streset dhe hallet e ditës.

Konkretisht në këtë kohë kur njeriu po lufton psiqikisht me virusin, me vetminë, me largësinë, me papunësinë dhe me varfërinë, pikërisht tani aktori i humorit është i domosdoshëm, është gati i nevojshëm sa mjeku. Do ishte e padrejtë që unë dhe koleget e mi të braktisnim publikun pikërisht tani. Do ishte dezertim, tràdhti ndaj atyre njerëzve, që dashamirësisht të kanë duartrokitur prej vitesh. Nuk braktiset publiku në kohë të vështirë, sepse është pikërisht ai që të qëndroi pranë kur kishe nevoje të ngriheshe dhe të ecje në karrierën tënde.

Një aktor humori që nuk dhuron humor për publikun në kohë trishtimi është si një ushtar qe ikën nga Shqipëria ditën kur e pushtojnë atë. Një humorist që nuk bën për të qeshur njerëzit në ditë të zymta është si një polic që u ka dhënë çelësat e shtëpisë tënde hajdutëve. Një komedian që nuk qetëson dhe mbush me shpresë mendjet e spektatorit të tij nëpërmjet mesazheve dhe energjisë pozitive në një kohë pesimizmi social është fiks si një mjek që të heq tubat e oksigjenit kur mushkëritë e tua kanë nevojë për ajër të pastër.

Respekt për artistët, aktorët, muzikantët, këngëtarët dhe shumë të tjerë që po përpiqen të mbajnë gjalle sensorin jetik të ndjesive të bukura.

Zoti na ndihmoftë, ta kalojmë sa më shpejt dhe me sa më pak kosto njerëzore.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Must Read

E ndjékin pafund njerëz! Bora Zemani surprízon fansat e saj në këtë mënyrë! (FOTO)

Bora Zemani prej më shumë se një viti tanimë ka qenë kryefjalë e mediave duke nisur që nga moderimi i programit hit “Për’Puthen”. Patsaj duke...

Fjoralba Ponari dhe Einxheli sapo na dëshmuan që shoqëria e vërtetë ekziston! (VIDEO)

Nuk është sekret fakti që Fjoralba Ponari ka një miqësi shumë të ngùshtë me ish-banoren e “Big Brother VIP Albania”, Einxhel Shkirën. Fjoralba e ka...

Luana nuk e ka ndërmend të ndalet, gati bashkëpunimi me reperin e njohur! (FOTO)

Në nismën e saj më të re “Thuaje”, Luana Vjollca erdhi me një qasje ndryshe si kurrë më parë. E ulur vetëm në një karrige...

Si asnjëherë më parë, Agron Llakaj rréfen momentin më të véshtirë në jetën e tij!

Pasditen e sotme, i ftuar në programin “Ditë pas dite” në Radio Televizionin Shqiptar ishte mjeshtri i humorit Agon Llakaj. Në një intervistë të rrallë...

‘Zénka’ mes Zhaklinës dhe Fifit, a duhet një vajzë ta ruajë veten për një djalë?

Fifi njihet si një ndër personàzhet e njohur e cila nuk e mendon dy herë ti shprehë hapur ndjenjat e saj. Mbrëmjen e djeshme,...
error: Alert: Content is protected !!