Sabri Fejzullahu ishte pjesë e “Ftesë në 5” përmes një lidhje Skype, nga ku foli për këto ditë vetizòlimi, që për fat të keq po i kalon larg bashkëshortes së tij, e cila ka ngelur në Shtetet e Bashkuara të Amerikës.

Ai rrëfeu se po e ndjen shumë mungesën e saj, madje ka edhe momente që nuk i mban dot lòtët nga malli.

Jo më larg se sot, këngëtari i njohur ishte përlotur kur e shoqja i kishte dërguar një fotografi përmes rrjeteve sociale.

E sikur kjo të mos mjaftonte, Fejzullahu e mbylli me një dedikim të fortë dashurie për Nerën, ku ia bëri të ditur se asnjëherë nuk do të lejojë që të qendrojnë larg njëri-tjetrit.

Këngëtari i mirënjohur Sabri Fejzullahu tregoi se karantinën po e kalon me djalin dhe nusen si edhe nipërit e mbesat.

Ai nuk ngurroi të shprehte mirënjohje për bashkëshorten e Ermalit, Arianën, duke e falenderuar që i ka ndenjur në gatishmëri gjatë gjithë këtyre ditëve.

E teksa veçoi ushqimet e mira që ia përgatit, Sabriu nuk i kurseu fjalët e mira për Arianën si një nënë të përkushtuar dhe shumë të dashur ndaj katër fëmijëve të saj.