Për të parandaluar përhapjen e koronavirùsit Covid-19, vendi prej disa ditësh ndodhet në izòlim dhe kjo masë është zbatuar nga të gjithë, për të mirën e tyre. Ata që nuk e kuptojnë këtë situatë, janë të vegjlit të cilët tashmë nuk mund të dalin e të luajnë me shokët e shoqet. Prandaj prindërit duhet të gjejnë mënyra për t’i argëtuar brenda shtëpisë. Disa prej vipave shqiptarë iu japin ide se si mund ta kaloni kohën me fëmijët.

Valbona Selimllari ka postuar një video ku shfaqet duke luajtur me vajzën, Vivien dhe një të afërm, lojën Ludo King. Disa prej jush mund të mos e kenë këtë lojë në formën e lodrave, por Valbona iu jep një super ide. Ajo tregon se e ka vizatuar vetë lojën.

https://www.instagram.com/p/B9xQ4f-BUot/

Nëse keni shtëpi me oborr, mund të veproni si Paridi. Ingrit Gjoni ka postuar një video ku vogëlushi shfaqet duke bërë stërvitje në oborr, një mënyrë shumë e mirë kjo për të mbajtur trupin në lëvizje edhe gjatë këtyre ditëve.

https://www.instagram.com/p/B9t7uAinyqT/

Ndërsa Bieta Sulo dhe Kroi Art kanë vendosur të stërviten brenda shtëpisë. Moderatorja ka publikuar një foto ku shfaqet me vogëlushin gjatë stërvitjes së tyre.

Një tjetër ide ju jep edhe Fatma Haxhialiu. Moderatorja në postimin e saj në Instagram shfaqet duke kërcyer zumba me djalin dhe ia këshillon edhe nënave të tjera.

Ndërsa Fiori Dardha tregon se Abeli po e kalon kohën duke vizatuar. Kjo është një tjetër mënyrë e mirë që fëmijët të shfaqin kreativitetin e tyre./revistawho.com

By Juda

Leave a Reply

Your email address will not be published.

error: Alert: Content is protected !!