Pandemia e Koronavirusit ka mbërthyer të gjithë botën dhe shumë shtete kanë marrë masa për parandalimin e këtij virusi që fatkeqësisht ka shkaktuar shumë viktima. Shumë sensibilizim kanë sjellë VIP-at jo vetëm me thirrjet e tyre për të qëndruar në shtëpi, por edhe me ndihmat që kanë ofruar.

Emina Çunmulaj ka njoftuar se bashkëshorti i saj i cili ka 15 mijë punëtorë në të gjithë botën, ka vendosur t’u japë atyre një muaj pagesë falas dhe produkte ushqimore. Emina është shprehur se bashkëshorti i saj është shumë zemërmadh dhe ka në pronësi disa restorante.

Çifti shumë i dashur nga publiku, Almeda dhe Tolgahan Sayisman kanë në pronësi 4 shtëpi në turqi dhe 4 shtëpi në Amerikë. Ata kanë vendosur që mos t’i marrin qera banorëve të strehuar në shtëpinë e tyre duke i lehtësuar kështu nga vështirësitë financiare gjatë kësaj periudhe.

Këngëtari i njohur shqiptar, Labinot Tahiri ka ndërmarrë gjithmonë iniciativa bamirësie për qytetarët. Edhe në këtë situatë pandemie, Labinoti ka dhuruar 5 mijë maska qytetarëve duke bërë kështu një gjest shumë fisnik, në këtë kohë kur maskat janë shumë të domosdoshme.

Prezantuesja, Qëndresa Krelani gjithashtu ka ofruar ndihmën e saj. Ajo ka deklaruar se është e gatshme të marrë përsipër pazaret e të gjitha nënave që nuk mund të dalin nga shtëpitë e tyre për shkak se kanë fëmijë./revistawho.com