E ftuar në emisionin e famshëm italian, “Verissimo” në “Canale 5”, Alketa Vejsiu zbuloi dje shumë të pathëna nga jeta e saj. Moderatorja e njohur shqiptare Alketa Vejsiu tërhoqi shumë vëmendjen e mediave rozë dhe ngjalli  goxha debat për paraqitjen e dhe pjesmarrjen e saj në Sanremo.

Alketa fitoi shumë vëmendje edhe në shtetin italian,ku pas përfundimit të festivalit të Sanremos ajo u ftua edhe në disa emisione të famshme italiane, ku ka folur jo vetëm për karrierën e saj por edhe për jetën e saj familjare.

Ndërkohë sëfundmi  Alketa ka qenë e ftuar edhe në emisionin e Silvia Toffanit, në Itali, ku e veshur me mjaft stil moderatorja shqiptare ka folur sesa e lumtur është ajo që ka realizuar ëndrrën e saj, pjesmarrjen në Sanremo.

“Unë gjithmonë e kam parë botën me sytë e lumturisë dhe optimizmit pavarësisht sa të varfër ishim në familje! Sepse kam qenë gjithmonë e kënaqur me atë që kam pasur, pa u humbur në atë që doja të kisha!”-ka shkruar Alketa.

Ndër të tjera moderatorja shqiptare foli në emisionin italian edhe për ndarjen e prindërve të saj, kur ajo kishte qenë vetëm 6 vjeç.

 “Kur isha 6 vjeçe prindërit e mi u ndanë. Babai shkoi në Greqi dhe na ka ndihmuar gjithmonë. Ishin shumë krenarë kur mora pjesë në Sanremo dhe kam bërë çdo gjë që ata të ishin të lumtur.”- është shprehur Vejsiu.