Mbrëmjen e djeshme i ftuar “Në kurthin e Piter Pan” ishte aktori dhe këngëtari i njohur Olsi Bylyku.

Ai prej kohësh ka bërë lidhjen e tij publike me bukuroshen Egli dhe nëpër media janë përfolur për një fejesë të mundshme.

Mirëpo Olsi i ka dhënë fund këtyre thashethemeve duke sqaruar njëherë e mirë se ai nuk është i fejuar.

“Do ta them por mos ia thuaj njeriu. Unë as nuk jam martuar as nuk jam fejuar, por i mora një unazë për qejf, por se ne artistët kemi një metodë shumë të bukur. I bëjmë një foto argjendarisë e nxjerrim në Instagram, nuk paguajmë asnjë lek. E mora me reklamë”– është shprehur aktori i humorit.

Të fejuar ose jo, ata janë shumë të dashuruar me njëri-tjetrin dhe këtë gjë e reflektojnë në çdo dalje publike.