Moderatorja dhe aktorja e humorit Rudina Dembacaj ka zyrtarizuar lidhjen me ish-deputetin, Mark Frroku. Pas shumë aludimeve në media, çifti ka zgjedhur më në fund të pranojë në publik lidhjen me anë të një ‘kartoline’ ku urojnë vitin e ri 2020.

Dembacaj ka postuar disa foto ku pozon krah partnerit të saj, të cilin e shoqëron me një përshkrim ironizues për titujt e mediave.

“E di qe e donit te gjithe,por e kam per vete…exluziven. Per te gjithe ju dashamires dhe jo,e dua si partner ne jete dhe ne biznes… Vit te mbare, me shume dashuri Mark dhe Rudi”, shkruan Dembacaj.

Pak ditë më parë aktorja festoi ditelindjen e vajzes saj Victoria, me ish-bashkëshortin e saj Aleksin, me të cilin është ndarë prej kohësh, duke i ofruar të bijës një portret të lumtur familjar në këtë ditë të veçantë për të.

Shqiptarja.com