Ka shkuar në 27 numri i të arrestuarve për dëmet e tërmetit të 26 nëntorit.

Në pranga së fundmi ka rënë Fejzo Dyrmishi, biznesmen ndërtimi.

Ndërkohë 11 persona janë në kërkim, ndërsa dy të tjerë nën hetim.

Mësohet se 6 prej të kërkuarve kanë dalë jashtë Shqipërisë.

Ditën e djeshme prokuroria firmosi 38 urdhër-ndalime për ish-zyrtarë vendorë, inspektorë ndërtimi, arkitektë, inxhinierë dhe ndërtues në komunat e Farkës, Kasharit dhe në Bashkinë Vorë.

Në mesin e të ndaluarve është ish-kryekomunari i Farkës, Fatbardh Plaku, i Kasharit, Besnik Fuçia, shefi i Urbanistikës në Vorë, Luan Beta dhe ish-shefi i Urbanistrikës në Durrës, Adhurim Qehajaj.

Të gjithë këta persona dyshohet se kanë ndërhyrë në strukturë duke holluar bazamentet mbajtëse, apo duke lëshuar leje ndërtimi jashtë kritereve.

Ish-kryekomunari i Farkës, Besnik Fuçia është arrestuar edhe më parë për akuzën e mashtrimit, por u la me detyrim paraqitje.

Ndërsa ish-shefi i Urbanistikës në Durrës, Adhurim Qehajaj, u largua nga puna tetorin e kaluar, pasi kishte marrë dy javë leje.

Në mesin e të arrestuarve është edhe Vjollca Hoxholli, e cila u shiste njerëzve të njëjtin apartament dy herë.

Bashkëshorti i saj Rrapush Hoxholli është dënuar me 10 vite burg për të njëjtën vepër penale, por është liruar për shkak të moshës.

Kujtojmë këtu se rreth një muaj më parë Prokuroria e Durrësit lëshoi 18 urdhër-arreste për zyrtarë, ndërtues, inxhinierë dhe specialistë, por 9 prej tyre u liruan nga gjykata.

Lista me të arrestuarit:

Fatbardh Plaku ish-kreu i Komunës Farkë

Besnik Fuçia, ish-kreu i Komunës Kashar

Luan Beta, ish-kreu i Urbanistikës, Vorë

Stela Maze, arkitekte

Anila Harxhi, arkitekte

Merita Kushi

Bukurije Halili

Ali Dyrmishi

Vjollca Hoxholli

Gerti Çalliku

Jani Ikonomi

Qirjako Gjergo

Naim Shehi

Ermir Çina

Adhurim Qehajaj-ish shefi i urbanistikës në bashkinë e Durrësit deri në muajin shtator 2019

Gëzim Shkalla

Pëllumb Fortuzi

Xhevahir Doda

Reis Muça

Hekri Disha

Agim Eski

Faik Fejzo