Këngëtarja shqiptare, Dhurata Ahmetaj, u bë e njohur për publikun shqiptar në vitin 2016, me këngën e saj të parë të titulluar “Gabim”.

Kënga ka kaluar 1 milionë klikime në Youtube dhe pas saj, Dhurata ka publikuar dhe projekte të tjera.

Megjithatë, kënga e saj e fundit, “A po vjen” është publikuar në gusht të 2018-ës dhe këngëtarja i ka munguar publikut me projekte të reja.

Madje, burime për “Prive.al” kanë treguar se këngëtarja ka vendosur të heqë dorë nga muzika.

Ende nuk dihet nëse ky vendim i Dhuratës është përfundimtar, apo nëse këngëtarja ka ndërmend të rikthehet në të ardhmen.

Ndërkohë, Dhurata nuk ka bërë ende asnjë deklaratë publike për të informuar fansat e saj.