Pavarësisht se tragjedia e 26 nëntorit vendosi në pikëpyetje netët finale të “Këngës Magjike”, producenti Ardit Gjebrea premtoi se do ta kthente festivalin në një mision humanitar, puna për të cilin ka nisur prej kohësh dhe do të finalizohet shumë shpejt.

Në një postim në Instagram, Gjebrea sqaroi se “janë gati projektet për ndërtimin e dy shtëpive” në zonën e Thumanës.

“Kjo foto e bërë dje, është në bashkinë e Krujës, për të vijuar punën për 2 shtëpitë që do ndërtojmë në Thumanë. Nuk dua të ndërtoj shtëpi ‘partizançe’, por gjithçka me dokumenta të rregullta.
Dhe as nuk dua të përfitoj sepse jam njeri publik dhe futem pa radhë. Po të tjerët???!!! Pallatet kanë patur precedencë!
Por tashmë komisioni i verifikimeve brenda javës së ardhshme (që na vjen radha) do japë OK që shtëpitë që kam marrë përsipër janë të pabanueshme dhe më pas do prishen. Ndërkohë projektet janë gati për të dy shtëpitë dhe pasi të merret leja nga Bashkia (më premtuan shumë shpejt) do fillojë ndërtimi i dy shtëpive të cilat siç kam premtuar, brenda 4 muajve do të përfundojnë.”

https://www.instagram.com/p/B7ZH-pchVdp/

“Po flisja me një prej familjeve të prekura nga kjo dramë, famija Caci dhe vendosa aty për aty, që pse mos t’i kthejë netët finale në një mision, për të ndihmuar në ndërtimin e shtëpisë së kësaj familjeje. Ashtu si unë, edhe shumë këngëtarë konkurrentë shqiptarë dhe të huaj në fillim menduan se do të ishte shumë herët për të organizuar festivalin. Por pasi u thashë idenë që ta kthenim këtë garë në një mision humanitar, të gjithë ishin entuziastë dhe të gatshëm për të kontribuuar.”

Të gjitha fitimet nga shitja e biletave të tre netëve të festivalit shkuan për familjen e prekura nga tërmeti i 26 nëntorit, që shkaktoi 51 viktima.

By Juda

Leave a Reply

Your email address will not be published.

error: Alert: Content is protected !!