Aksidenti tragjik në Tiranë: Në pranga drejtuesit e dy automjeteve (Video)

Ditën e djeshme, 2 persona kanë humbur jetën në një aksident tek zona e ”Xhamllikut” në kryeqytet.

Ngjarja ka ndodhur në rrugën ‘Xhanfize Keko’.

Prej një parakalimi të gabuar dhe shpejtësisë së lartë ndërroi jetë 36- vjeçari Erion Balla dhe një grua, Hidajete Salliu, 72 vjeçe .

Po ashtu janë plagosur edhe dy shoferët e makinave, Edmond Murati dhe Eljon Lazri, ky i fundit i shtruar në spital prej lëndimeve të marra.

Sipas “Lapsi.al”, policia ka arrestuar drejtuesit e dy automjeteve, Muratin dhe Lazrin, pasi dyshohen për kryerjen e veprës penale “Shkelje e rregullave te qarkullimit rrugor”.

“Materialet ju kaluan Prokurorisë së Rrethit Gjyqësor Tiranë në ngarkim të shtetasve E. M dhe E. L për veprime të mëtejshme” -shkruhet në njoftimin e policisë.